Уроклэн мынэмез: Актуализация 1 Куноосын зечъяськон



Скачать 65.18 Kb.
Дата04.05.2016
Размер65.18 Kb.
Темаез: Урод но умой сямъёс ( Н.С.Байтеряковлэн «Пияш но лосьпи» произведениезъя.) 4 класс. Дышетись Алексеева Светлана Анатольевна

Мугъёсыз:

1.тодматоно Н.С.Байтеряковлэн улон но творческой сюресэныз.

2.чебер вольыт лыдзиськыны но вераськыны быгатэмзэс волятоно.

3.ас шаердэ яратон но утён, урод сямъёслы пумит нюръяськон мылкыд пычатоно.

Материалъёс: слогъёсын таблица, лосез возьматись суред, тестъёсын карточка, магнитофон, проектор,слайдъёс, кружокъёс.

Уроклэн мынэмез:

1.Актуализация

1) Куноосын зечъяськон

Пукемзэс эскерон. Урод но умой сямъёс сярысь вераськон. Мае ти умоен лыдъяськоды, нош мае умойтэмен?

2) Дорысь ужзэс эскерон (тестъя ужаськом)

1.Кин гожтиз «Мур нюк но выж» веросэз?

А) Г. Симаков.

Б) М. Гаврилов.

В) Ф. Васильев.

2.Кин главной героез луэ та веросын?

А) Миша Голявкин.

Б) Ваня Ведёркин.

В) Иван Мышкин.

3.Классэн кивалтиз…

А)Ольга Николаевна.

Б) Лариса Петровна

В) Василий Григорьевич.

4.Малы анай пиезлы паймиз?

А) вить басьтэмезлы.

Б)такем вазь султэмезлы.

В) ассэ умой воземезлы.

5.Кыче секыт «уж» малпаз Ваня?

А) эшъёссэ тудвуэти поттыны.

Б) пучъёсты тудвуэти келяны.

В) пичи выж лэсьтыны.

6.Малы бордэ Ваня?

А) кык басьтэмез понна.

Б) пучъёсты келямез понна возьыт луэмен

В)со висе.

Пиналъёс воштыса ог огзылэсь эскеро.

3) Темае нуон

Слогъёсыз лыдзон ( нырысь лыдзиськом сюрес кузя, нош собере строкаосъя).

ба пи ку ве са ла

со лось ка яш зи пу

ра на но ча ос ся

4)шудон «Кыче кыл ватскемын»

(вера, бака, пияш, чана, лось,лосьпи,пу, сяла).

-Нош кыче быдэс кыл татчы пегзем? Лось .

5) группаен ужан 1-ез лось сярысь мадиськон малпа

2-ез кроссворд ужа




 

к







 

 




о













 




й







 










ы

 

 

к




































1.Тушо ке но, пересь овол,

Сюро ке но, скал овол.

2. Кузь толэз изе гуын, тулыс нош потэ калгыны.

3.Кыче тылобурдо уин котсэ тыре, пеймытэз яратэ.

4.Кескич лушкаськись ас пытьызэ пуштрес «исьнерен» чуже.

5.Пуштресо быжо горд апай кызысь чыжин утча.

6) Ребусэз тодон . Таче координатъя слогъёсты басьтэ.

(1,2) , (2,4) , (3,3) ,(2,2), (1,2)



Пияш но лосьпи.

-Туннэ асьмеос ,пиналъёс, лыдзом Н.С.Байтеряковлэсь «Пияш но лосьпи» произведенизэ.

-Кин вераны быгатоз Байтеряков сярысь?

Н.С.Байтеряков вордскиз 1923 арын Алнаш районысь Варзи-Ятчи черкогуртын. Отын ик будиз. 10 арес дыръяз анаез кулиз. Та куректонэзлы сизьыса со гожтиз кылбур.

Бен ку вал со?

Бен ку вал со?

Оло сю ар талэсь азьло?

Арлыдъёсме турназ кусо, сяськаосме вандиз кусо.

Школаез йылпумъяса дышетскыны пыриз Можга педучилищее. Но отысь тазалыкез лябземен кошконо луиз. Колхозын рядовой луыса но ужаз.19 арес дыръяз 1942 арын Быдзым Отечественной войнае кошкиз. Фронтэз ортчиз танковой частьёсын. Ожын азинсконъёсыз пусъемын Горд Кизили орденэн, «За Отвагу», «За победу над Германией» медальёсын. Нырысети кылбуръёсыз но веросъёсыз печатласькизы 1930 аръёсы. Ог 10 кылбурез калык полы кырзан луыса волмемын.

- Капчиен-а ортчиз Байтеряковлэн улон сюресыз?

2.Нырысьсэ лыдзон.

1) словарной уж. Кольыос но вумусъёс,нырпелесъёс, кекам.(предложениос малпаськом).

2) веросэз лыдзон

-Пиналъёс,кинъёс та произведениын главной геройёсыз луо? Ти сак кылзэ но вералэ .(Ульяна но Наташа музыкая веросэз лыдзо.)

3)юанъёсъя ужан

-Кинъёсты главной герой шуыны луоз?

-Кыче жанр шуыны быгатом та произведениез?

Литературной геройес луыны быгато пудо-животъёс но, будосъёс но.

-Нош мылкыдды оз-а воштиськы та выжыкылэз лыдзыку ? Кызьы воштиськиз?

4)Пияшлэсь лосьпиен вераськемзэ рольёсъя лыдзон.

-кык эшъёс туж тупаса улизы.Нош малы кусыпсы сориськиз?

5) кыл тирлыкез узырмытон.

Ез кычесэз адями оз пукты, кион пуктиз.

-Кызьы валаськоды та гожтэмез. (Татын адями кионэн чошатэмын)

-Нош кион кыче со? (Сьось,лек,урод сямо, ваньзэ ворме,кужмо,… .)

Арлэн нылпиосыз сборникъя ужан. Вакчияк пересказ верало.

Г.Симаков «Кучо лось.»

Е.Загребин «Лосьпи»

-Пиналъёс, та кык произведениосын адямилэн кыче сямъёссы возьматэмын?

6) выборочной лыдзон

*суредлы тупась интызэ шедьтэ.

*зеч адями сярысь гожтэмзэ (параен лыдзон)

*кызьы пияш но лосьпи тодматскизы но ог огзэс яратизы.

7) инценировать карон.

-Пиналъёс ,кинлэн спектакль пуктэмез потэ? (ошмес, пияш но лосьпи)

*та геройёсты описать кароно, характеристика сётом.

(рядъёсъя ужаськом)

Ошмес лосьпи пияш

Дышетись: лосьёс быдэс уллёен асьме тэльёсти ветло. Уг кышкало. Сюръёссы чебересь(но сюръёссы атай лосьёслэн гинэ луо). Кукъёссы лосьёслэн кузесь,нош лосьпиоссы кунянлы кельшо. Пельёссы котьку чатресэсь.Соос писпуосты но пинал пужымъёсты йыръё.Асьсэды нюлэс кузе кожало.

3.Темаез юнматон.

1)-Нюлэс кузе ке но шуо асьсэды, нош озьы луыса потэ-а? Пиналъёслэн валэктонъёссы.

2)пословицаосын ужан.

Задание: бырйе выжыкыллы тупась пословицаез.

1.Пиналысен од ке дышетскы, пересьмыса уд дыш ни.

2.Ул ас визьмыныд, дандэ жут уженыд.

3.Визьмо мурт ужзэ нырысь малпа, собере лэсьтэ.

-кыче мурт пониз та ез кычесэз?

-кызьы люкиськизы пияш но лосьпи берпуметизэ? (асьсэ понна лыдзо со интызэ)

-жаль кылиз-а тиледлы лосьпи? Ойдолэ, пиналъёс, лосьпиез буйгатыса асьмеос гожтэт гожтом .Может кин ке но кыче ке валэктон сётоз солы.

Мусо лосьпи!

Югыт дунне вылын

Улон бен, зэм но паймымон шулдыр,

Веськыт будись та писпуос полын.

Весь одигнад но тон уд улы, дыр.

Утчад ке,зеч эшъёс но шедёзы,

Эшъёс ке вань, эшшо шулдыр улон.

4.Доре уж

Выжыкылэз вераны дасяське.

Кельшись шорзэ суредалэ.

Лосьёс сярысь нош ик материалъёс утчалэ. Люкылыса сётисько.

5.Уроклы йылпумъян.



-Кыче адямиос сярысь вераським? Умой сямды ке вань, ойдолэ сяська лэсьтом та чуж кружокъёсмылэсь. Арысь аре та сямъёсмы мед будозы, нош уродъёсыз асьме дорысь мед палэнскозы.

Таяз урокам учебниклэн авторез Т.С.Иванова но Р.И.Данилова отемын вал. Школаямы ортчиз начальной классъесын удмурт школаын ужась дышетисьеслэн семинарзы. Татарстанын ке но улиськом , асьме дышетисьесынымы кусып возисько. Мон ачим дышетски Можга педучилищеын, Туж шумпотыса вуизы соос милям школаямы. Туж бадзым тау вераме потэ та дышетисьесылы. Одно ик кызьы ке но курисько та ужме печатланы. Азьлогес но ыстэм вал ини та материалэз но слайдъёссэ вунэтиськем.


База данных защищена авторским правом ©bezogr.ru 2016
обратиться к администрации

    Главная страница